រូបភាពវេទមន្ត៖ គ្រវីក្បាលរបស់អ្នក
គ្រវីក្បាលរបស់អ្នក អ្នកនឹងមើលឃើញរូបភាពដែលបង្កប់នៅក្នុងរូបនេះ
តើអ្នកជឿថាខ្ញុំអាចទាយពីចិត្តរបស់អ្នកដឹងរឺទេ?
បើអ្នកលឺគេនិយាយថា “ តើអ្នកជឿថាខ្ញុំអាចទាយពីចិត្តរបស់អ្នកដឹងរឺទេ?” អ្នកប្រកដជាឆ្លើយថា ខ្ញុំមិនជឿឡើយ តើអ្នកដឹងយ៉ាងម្តេចកើត ថាខ្ញុំគិតអ្វីនោះ? នេះជាចម្លើយទូទៅមួយដែលអ្នកទាំងអស់គ្នាប្រាកដជាឆ្លើយដូចនេះ តែខ្ញុំសូមអះអាងថាខ្ញុំប្រាកដជាដឹងថាអ្នកពិតជា គិតអ្វីនោះ ដោយគ្រាន់តែអ្នកឆ្លើយនូវសំណួររបស់ខ្ញុំ ចំនួន ៦ សំណួរ ដោយគ្រាន់តែឆ្លើយថា មាន រឺ មិនមាន ប៉ុណ្ណោះ។អ្នកឆ្ងល់ហើយមែនទេ?
អញ្ចឹងសូមសាកល្បងជាមួយគ្នាមួយក្តាមើល!
>> លក្ខខណ្ឌលេង
-សូមជ្រើសរើសលេខណាមួយក្នុងចំណោម ១-៦៣ ដោយលាក់ក្នុងចិត្តរបស់លោកអ្នក(មិនត្រូវប្រាប់នរណាម្នាក់ឡើយ)
-នៅពេលដែលខ្ញុំបង្ហាញនូវប្រអប់លេខ (មាន ៦ ប្រអប់) បើប្រអប់ណាមួយមានលេខ ដែលអ្នកបានគិតក្នុងចិត្តនោះអ្នកគ្រាន់តែនិយាយថា មាន តែបើគ្មានទេ និយាយថា មិនមាន នោះខ្ញុំនឹងធ្វើការសួររហូតដល់អស់ប្រអប់នោះ។
-ពេលដែលការសួររបស់ខ្ញុំបានបញ្ចប់ ខ្ញុំនឹងអាចទាយត្រូវថា លេខរបស់អ្នកដែលគិតក្នុងចិត្តនោះគឺ លេខ នេះ ឫ លេខនោះ ហើយអ្នកនឹងមានការភ្ញាក់ផ្អើលមិនខាននៅពេលដែលខ្ញុំទាយលេខនោះ ត្រូវ។
ដោយសារតែ យើងមិនអាចស្ថិតនៅតទល់មុខគ្នាបាន ដូចនេះការទស្សទាយនេះពិតជាមានការលំបាក ដូចច្នេះខ្ញុំសូមប្រាប់នូវគន្លឹះ អាថ៌កំបាំងនេះតែម្តងទៅ…
ឧទាហរណ៍ថា អ្នកបានសំរេចចិត្តជ្រើសរើសលេខមួយក្នុងចន្លោះ ១-៦៣ ដោយលាក់វានៅក្នុងចិត្តរបស់អ្នកហើយរងចាំខ្ញុំទាយថាលេខនោះជា លេខប៉ុន្មាន (សន្មត់លេខនោះគឺលេខ ៣៥)
ជំហានទី១៖
-ខ្ញុំនឹងបង្ហាញនួវប្រអប់ទីមួយដល់អ្នក បើលេខនោះមានក្នុងប្រអប់នេះ អ្នកត្រួវនិយាយថា មាន តែ បើគ្មានទេ សួមនិយាយថា មិនមាន។
ប្រអប់ទី១
ក្នុងប្រអប់ខាងលើពិតជាមាន លេខ ៣៥ ដូចនេះអ្នកប្រកដជាឆ្លើយថា មាន។
>> ខ្ញុំគិតក្នុងចិត្តដោយលួចប្រើប្រមាណវិធីគណិតវិទ្យា ដោយរក្សាលេខ 1 ទុក
ជំហានទី២៖
-រួចខ្ញុំបង្ហាញនូវប្រអប់ទីពីរ ដូចខាងក្រោម៖
ប្រអប់ទី២
ក្នុងប្រអប់ខាងលើពិតជាមាន លេខ ៣៥ ទៀត ដូចនេះអ្នកប្រកដជាឆ្លើយថា មាន។
>> ខ្ញុំគិតក្នុងចិត្តដោយលួចប្រើប្រមាណវិធីគណិតវិទ្យា ដោយរក្សាលេខ 1 + 2 ទុក
ជំហានទី៣៖
-រួចខ្ញុំបង្ហាញនូវប្រអប់ទីបី ដូចខាងក្រោម៖
ប្រអប់ទី៣
ក្នុងប្រអប់ខាងលើមិនមាន លេខ ៣៥ ទៀតទេ ដូចនេះអ្នកប្រកដជាឆ្លើយថា មិនមាន។
>> ខ្ញុំគិតក្នុងចិត្តដោយលួចប្រើប្រមាណវិធីគណិតវិទ្យា ដោយរក្សាលេខ 1 + 2 ទុកដដែល
ជំហានទី៤៖
-រួចខ្ញុំបង្ហាញនូវប្រអប់ទីបួន ដូចខាងក្រោម៖
ប្រអប់ទី៤
ក្នុងប្រអប់ខាងលើមិនមាន លេខ ៣៥ ទៀតទេ ដូចនេះអ្នកប្រកដជាឆ្លើយថា មិនមាន ម្តងទៀត។
>> ខ្ញុំគិតក្នុងចិត្តដោយលួចប្រើប្រមាណវិធីគណិតវិទ្យា ដោយរក្សាលេខ 1 + 2 ទុកដដែលម្តងទៀត
ជំហានទី៥៖
-រួចខ្ញុំបង្ហាញនូវប្រអប់ទីប្រាំ ដូចខាងក្រោម៖
ប្រអប់ទី៥
ក្នុងប្រអប់ខាងលើមិនមាន លេខ ៣៥ ទេ ដូចនេះអ្នកប្រកដជាឆ្លើយថា មិនមាន។
>> ខ្ញុំគិតក្នុងចិត្តដោយលួចប្រើប្រមាណវិធីគណិតវិទ្យា ដោយរក្សាលេខ 1 + 2 ទុកដដែល
ជំហានទី៦៖
-រួចខ្ញុំបង្ហាញនូវប្រអប់ទីប្រាំមួយ ដូចខាងក្រោម៖
ប្រអប់ទី៦
ក្នុងប្រអប់ខាងលើមាន លេខ ៣៥ ដូចនេះអ្នកប្រកដជាឆ្លើយថា មាន។
>> ខ្ញុំគិតក្នុងចិត្តដោយលួចប្រើប្រមាណវិធីគណិតវិទ្យា ដោយរក្សាលេខ 1 + 2 + 32
ជំហានទី៧៖
នេះជាចុងបញ្ចប់នៃការសួរ បន្ទាប់មកខ្ញុំក៏ទាយបានថាលេខ ដែលលោកអ្នកលាក់នោះគឺ លេខ
1 + 2 + 32 = 35
ត្រូវមែនទេ? ឆ្ងល់មែនទេ?
ចំណាំ៖ ក្នុងប្រអប់នីមួយៗតែងមានលេខ ក្បាល ( row 1, column 1) ផ្សេងៗគ្នា
ប្រអប់ទី១, ២, ៣, ៤, ៥, ៦ មានលេខក្បាលរៀងគ្នា ១, ២, ៤, ៨, ១៨, ៣២
-បើប្រអប់ណាមួយមានលេខ ដែលគេលាក់ (គេនិយាយថា មាន) អ្នកត្រួវរក្សាទុកលេខក្បាលនៃប្រអប់ទាំងនោះ ដើម្បីបូកបញ្ចូលគ្នា រកនូវលេខដែលលាក់នោះ។
-តែបើប្រអប់ណាដែលគ្មានលេខ ដែលគេលាក់ (គេនិយាយថា មិនមាន) អ្នកត្រូវរំលងចោលដោយមិនយក លេខក្បាលនៃប្រអប់នោះមកបូកបញ្ចូលឡើយ។
សូមសាកល្បងដោយខ្លួនអ្នក និងជាមួយមិត្តភក្តិអ្នក ចុះពិតជាសប្បាយមិនខាន!
តើអ្នកមើលឃើញរូបមុខចំនួនប៉ុន្មានក្នុងរូបនេះ?
0 comments:
Post a Comment