លោកអ្នកប្រាកដជាដឹងរួចមកហើយថា Photoshop ជំនាន់ថ្មីៗនេះមានលទ្ធភាពក្នុងការធ្វើរូបGIF ទាំងពីវីដេអូ និងបង្កើតដោយខ្លួនឯងក្ដី។ តែចំពោះអ្នកដែលមិនមានជំនាញក្នុងការប្រើប្រាស់ Photoshop អ្នកមិនបាច់ប្រើកម្មវិធីនេះក៏បានដែរ។ BendeConverter.com គឺជាគេហទំព័រមួយដែលអ្នកអាចធ្វើការបម្លែងឯកសារវីដេអូទៅជារូប GIF បានដោយឥតគិតប្រាក់។ ដើម្បីបម្លែងវីដេអូនោះ សូមអនុវត្តតាមលំនាំខាងក្រោម។
១. សូមចូលទៅកាន់គេហទំព័រ
http://benderconverter.com/ បន្ទាប់មកសូមក្រឡេកមើលទៅផ្នែកខាងក្រោម អ្នកនឹងឃើញប្រអប់រើសយកប្រភេទឯកសារដែលអ្នកចង់បម្លែងទៅ។ សូមចុចរើសយក GIF Animation ។ ចុចរុករកឯកសារវីដេអូរបស់អ្នក ហើយចុងក្រោយសូមចុច បម្លែង (Convert)។
២. នៅពេលនេះឯកសាររបស់អ្នកកំពុងតែផ្ទុកឡើងហើយ។
៣. នៅពេលដែលផ្ទុកឡើងចប់ស្រេចហើយ អ្នកនឹងទទួលបានទំព័រថ្មីមួយ សម្រាប់កំណត់រយៈពេលនៃវីដេអូរបស់អ្នក ដើម្បីធ្វើទៅជាឯកសាររូប GIF។
(បញ្ជាក់៖ រយៈពេលនោះ អ្នកអាចដាក់បានត្រឹមតែ ១៥វិនាទី ប៉ុណ្ណោះ។) នៅពេលដែលអ្នកបានកំណត់រយៈពេលរួចហើយ សូមចុចយកតំណ “Watch & Download” លើជួរណាមួយដែលអ្នកចង់បាន។ ក្នុងនោះមានបីតំណដូចជា៖
- អវតា – រូបទំហំត្រឹមតែ ១០០ px
- ទំហំល្មម – រូបទំហំត្រឹម ២០០ px
- ទំហំធំ – រូបទំហំត្រឹម ៣២០ px
៤. នៅពេលអ្នកបានចុចលើតំណណាមួយដែលអ្នកពេញចិត្តហើយនោះ អ្នកនឹងទទួលបានផ្ទាំងដូចនេះ, នេះគឺជាផ្ទាំងដំណើរការធ្វើរូប GIF។
៥. ពេលដែលដំណើរការបានបញ្ចប់ អ្នកនឹងទទួលបានផ្ទាំងថ្មីមួយផ្ទុករូបដែលធ្វើរួច ដូចបង្ហាញក្នុងរូបខាងក្រោម។ បើអ្នកពេញចិត្តរូបនោះហើយ អ្នកអាចចុចទាញយកទុកបាន ដោយចុចលើតំណដែលបានផ្ដល់ឲ្យនៅខាងក្រោមរូប GIF។
រូបសាកល្បង
នេះជារូបសាកល្បងដែលខ្ញុំបានបម្លែងរួចហើយ។
អត្ថបទទាក់ទង:
- DocsPal ឧបករណ៍បម្លែងឯកសារនៅលើអ៊ីនធ័រណិត
- វីដេអូបង្រៀន៖ របៀបបង្កើតនិមិត្តសញ្ញា តាមរយៈ Photoshop – ដោយ សៀង សុខហេង
- Google Swiffy ឧបករណ៍បម្លែងឯកសារ SWF ទៅជា HTML5
- Script សម្រាប់បម្លែងរូបភាពនៅក្នុង Nautilus
- OpenShot កម្មវិធីកែសម្រួលវីដេអូដ៏ល្អមួយនៅលើប្រព័ន្ធប្រតិបត្តិការ Linux
- អំពីអ៊ីនធ័រណិតក្នុងសារព័ត៌មាន MTV កាលពីឆ្នាំ ១៩៩៥
