របៀបតំឡើងវីនដូពីរដោយសុវត្ថិភាព

តើលោកអ្នកនិយមប្រើវីនដូពីរលើម៉ាស៊ីនតែមួយដែរឬទេ? មុននឹងចូលដល់ការតំឡើង សូមពិនិត្យមើលគុណសម្បត្តិ និងគុណវិបត្តិដែលកើតមានៈ
*** គុណសម្បត្តិ

• អាចឲ្យម៉ាស៊ីនកុំព្យូទ័ររបស់អ្នកដំណើរការបានលឿន (ព្រោះកម្មវិធីតិចជាងវីនដូ១)
• កម្មវិធីតិចងាយស្រួលសំអាត និងរៀបចំ Registry
• ពេលវីនដូមួយមានបញ្ហា នៅតែអាចចូលទៅវីនដូមួយទៀតបាន។

*** គុណវិបត្តិ

• ពិបាកការពារការឆ្លលរាលដាលនៃមេរោគ (ការពារបានតែឌ្រាយ System)
• ចាំបាច់ត្រូវប្តូរទៅមក បើសិនកម្មវិធីដែលចង់ប្រើមិនឋិតនៅលើ វីនដូដែលកំពុងបើក (ឧ. បើក Window XP​ ហើយចង់ប្រើ VB.NET ដែលនៅលើ Window 7)
• ពេលខ្លះត្រូវតំឡើងកម្មវិធីជាន់គ្នា ដូចជា Microsoft Word​, Excel ជាដើម។

ឥឡូវនេះ សំបុកអាយធីនឹងបង្ហាញជូនការតំឡើងទាំងពីរនេះ ឲ្យបានត្រឹមត្រូវ

1. ដំបូងអ្នកគួរតែតំឡើងវីនដូ XP មុន
2. បន្ទាប់មកគឺតំឡើងវីនដូ សេវេន

*** ករណីតំឡើងវីនដូ សេវេនមុន ពេលដែលអ្នក Boot កុំព្យូទ័រនោះ វានឹងចូលដោយស្វ័យប្រវត្តិទៅវីនដូ XP (ដែលតំឡើងក្រោយ)………..
វាដូចជា លោកអ្នកមានវីនដូតែមួយអញ្ចឹងដែរ! វាមានន័យថា File Boot របស់វីនដូសេវេនត្រូវបានបាត់ ដោយការចំលងជាន់ពីលើ ឬលុបចោល!!! តែកុំបារម្ភ! សំបុកអាយធីបានរកឃើញគន្លឹះ សំរាប់ស្រាយបញ្ហានេះ…..
លោកអ្នកគ្រាន់តែវាកូដ បីបន្ទាត់ខាងក្រោមនេះ នោះវានឹងបង្កើត File Boot ថ្មីដែលអាចឲ្យយើងចូលវីនដូទាំងពីរបានវិញ

• bootrec /FixMbr
• bootrec /FixBoot
• bootrec /RebuildBcd

មួយវិញទៀត លោកអ្នកអាចសាកល្បងប្រើ កម្មវិធី EasyBCD ដែលជាកម្មវិធីជំនួយដល់ការ Boot វីនដូច្រើន។

ដូច្នេះ អ្នកលែងបារម្ភពីការតំឡើងវីនដូច្រើនទៀតហើយ ព្រោះវាមានដំណោះស្រាយ! ទោះបីតំឡើងមួយណាមុនក៏ដោយ។ យ៉ាងណាមិញ ដើម្បីជៀសវាងភាពស្មុគស្មាញ សូមលោកអ្នកតំឡើងវីនដូ XP មុនទើបជាការប្រសើរ។