ការប្រើ កុំព្យូទ័រដែលមានសុវត្ថិភាពមិនប្រាកដថាគ្មានគេលួចយកវាទៅបាត់ នោះទេ តែវាអាចជាការគ្រោះថ្នាក់ជាងនេះទៅទៀតគឺការលួចយកទិន្នន័យ សំខាន់របស់អ្នកទៅវិញនោះទេ ដែលជារឿងសំខាន់។កុំព្យូទ័រដែលមានសុវត្ថិភាពល្អបានលុះត្រាតែ អ្នកមានការសិក្សាអំពីវិធីសាស្ត្រថ្មីៗសម្រាប់ទប់ទល់ជាមួយនិង ពពួកអ្នកវាយប្រហារចូលទៅក្នុងកុំព្យូទ័ររបស់អ្នក។អ្នកមិនអាចធ្វើ ការដោយភ្លេចខ្លួនជាមួយsystemកុំព្យូទ័ររបស់អ្នកបាននោះទេ ប្រសិនបើអ្នកគ្មានវិធានការសម្រាប់បង្ការពីពពួកលុកលុយដូចជាមេរោគTrojanឬ ក៏មេរោគដទៃទៀតនោះ។អ្នកត្រូវតែស្វែងយល់ពីវិធីសាស្ត្រឬគន្លឹះ ផ្សេងៗសម្រាប់ការពារឱ្យកុំព្យូទ័ររបស់អ្នកមានសុវត្ថិភាពខ្ពស់។
នៅក្នុងអត្ថបទនេះ យើងខ្ញុំសូមចែករំលែកនូវគន្លឹះសំខាន់ៗទាំង១០ដែលអាចជួយឱ្យការពារ Systemកុំព្យូទ័រ របស់លោកអ្នកឱ្យកាន់តែមានសុវត្ថិភាពខ្ពស់ជាងមុនពីការវាយ ប្រហាររបស់ពួកមេរោគដែលអាចជាអ្នកបង្កមូលហេតុធ្វើឱ្យកុំព្យូទ័រ របស់លោកអ្នកមានបញ្ហាជាច្រើនបាន។ខាងក្រោមជាគន្លឹះទាំង១០ដែល អាចធ្វើការជួយលោកអ្នកបាន៖
1. ប្រើនូវកម្មវិធីកម្ចាត់មេរោគនិងUpdateឱ្យបានទៀនពេលវេលា(Always use Best Anti-virus Software to Update your Computer)នា ពេលបច្ចុប្បន្នមានក្រុមហ៊ុនជាច្រើនបានបង្កើតនូវកម្មវិធីកម្ចាត់ មេរោគ ដែលអ្នកមានភាពងាយស្រួលក្នុងការប្រើប្រាស់ដែលមានកម្មវិធីខ្លះ ផ្ដល់ឱ្យប្រើប្រាស់ដោយមិនគិតថ្លៃនិងខ្លះទៀតត្រូវការទិញនូវLicenseទេ។ការប្រើប្រាស់នូវកម្មវិធីនេះវាអាចជួយការពារSystem កុំព្យូទ័ររបស់អ្នកពីពពួកមេរោគបាន។ ប៉ុន្តែរាល់ការប្រើកម្មវិធីកម្ចាត់មេរោគអ្នកត្រូវធ្វើការUpdateវាឱ្យបានទៀងទាត់ពេលវេលា ទើបវាអាចស្គាល់នូវប្រភេទមេរោគថ្មីៗដែលទើបនិងចេញមក។
2. មិនត្រូវបើEmailដែលមិនស្រូវមានសារសំខាន់(Don’t Open Unnecessary Email Attachments)
ការវាយប្រហាររបស់ពួកមេរោគក៏អាចធ្វើការវាយលុកតាមរយៈEmailបានដែរ។អ្នកគួរតែដឹងថានៅពេលមានមិត្តរបស់អ្នកផ្ញើEmailមកកាន់អ្នកគេបានភ្ជាប់មកជាមួយឯកសារផ្សេងមកឬអត់?ព្រោះពេលខ្លះមេរោគបានធ្វើការលួចយកនូវEmailរបស់ មិត្តអ្នកយកមកផ្ញើមេរោគចូលទៅក្នុងកុំព្យូទ័ររបស់អ្នក ដូច្នោះនៅពេលអ្នកសម្រេចចិត្តបើកឬរក្សាទុកនូវឯកសារនោះអ្នកគួរ តែប្រើកម្មវិធីកម្ចាត់មេរោគយកមក ScanនូវFile នោះជាមុនសិនឬត្រូវប្រាកដក្នុងចិត្តថាវាជាឯកសារដែលអ្នកបានឱ្យមិត្តអ្នកផ្ញើមកទើបជាការល្អ។
3. ប្រើFirewallsដើម្បីការពារកុំព្យូទ័រអ្នកពីInternet Hackers (Protect your Computer from Internet Hackers by using Firewalls)
ការប្រើនូវជញ្ជាំងការពារសុវត្ថិភាព(Firewalls)វាជារឿងមួយផងដែរ ដែលអាចធ្វើការការពាររវាងSystem ខាងក្នុងកុំព្យូទ័រជាមួយនិងការភ្ជាប់ទៅកាន់Internet។Firewalls ចែកចេញជាពីរប្រភេទគឺ Softwareនិង Hardwareដែលវាអាចការពារពីពពួកលុកលុយខាងក្រៅបានយ៉ាងងាយស្រួល។
4. ទាញយកនូវកំណែថ្មីរបស់កម្មវិធីមកUpdateបន្ថែម(Download Software Updates Regularly on Your Operating System)
ក្នុងការប្រើប្រាស់ រាល់កម្មវិធីភាគច្រើនវាតែងតែមានការដាក់បន្ថែមនូវកំណែថ្មី របស់កម្មវិធីទាំងអស់នោះទៅលើផ្នែកសំខាន់ៗជាច្រើនរបស់វា។ហើយវា ក៏ជាចំណុចមួយដែលអ្នកត្រូវធ្វើការយកចិត្តទុកដាក់ផងដែរ ដោយអ្នកឧស្សាហ៍ ទាញយកនូវកំណែថ្មីៗយកមកបន្ថែមពីលើកម្មវិធីរបស់អ្នកឱ្យបានទៀង ទាត់ដើម្បីជៀសផុតពីមេរោគ។
5. ប្រើលេខកូដសំងាត់ដែលគេមិនងាយទាញត្រូវ(Always use Difficult-to-Guess Passwords)
ចំពោះ ការប្រើនូវលេខកូដសម្ងាត់សម្រាប់ចាក់សោកុំព្យូទ័រវាក៏ជាសោមួយ ដែលអ្នកគួរតែស្វែងយល់ផងដែរ។ការដាក់លេខកូដរបស់កុំព្យូទ័រ អ្នកគួរតែដាក់ចំនួន៨តួ ក្នុងនោះត្រូវមានលេខ,តួអក្សរ និងនិមិត្តសញ្ញាដាក់បញ្ចូលគ្នាទើបជាការល្អ។ចំណែកឯរឿងមួយវិញ ទៀតអ្នកគួរតែឧស្សាហ៍ធ្វើការផ្លាស់ប្ដូរលេខសម្ងាត់នេះរាល់បីខែ ម្ដង និងមិនត្រូវប្រាប់នូវលេខសម្ងាត់នោះទៅអ្នកណាទេសូម្បីតែមិត្ត ភក្ដិរបស់អ្នកក៏ដោយ។
6. មិនត្រូវShare Fileទៅឱ្យកុំព្យូទ័រដែលមិនស្គាល់នោះទេ(Don’t share access with your computers with unknown person)
វាជារឿងសំខាន់មួយផងដែរសម្រាប់អ្នកសិក្សាអំពីFile sharing។Sharing fileគឺជាFileដែលអ្នកបានដាក់ចែករំលែកជាមួយនិងកុំព្យូទ័រផ្សេងទៀតនៅលើបណ្ដាញNetwork។ហើយជាមួយនិងការSharing Fileទៅឱ្យកុំព្យូទ័រដែលអ្នកមិនស្គាល់អ្នកអាចប្រឈមមុខទៅនិងពពួកមេរោគមួយចំនួនដូចជា worms and Trojan horses។ដូច្នោះអ្នកគួរតែស្វែងរកនៅក្នុងOSនិងកម្មវិធីមួយចំនួនសម្រាប់ជួយដល់អ្នកសិក្សាអំពីការបិទFile sharingនៅលើកុំព្យូទ័រដែលអ្នកមិនស្គាល់។
7. ពិនិត្យមើលនូវសុវត្ថិភាពឱ្យបានទៀងទាត់(Check your System Security on Regular Basis:)
ចំពោះoperating systemនិង កម្មវិធីមួយចំនួនដែលនៅលើកុំព្យូទ័ររបស់អ្នកវាមាននូវលក្ខណៈ សំខាន់ៗជាច្រើនដែលមានប្រយោជន៍សម្រាប់ប្រើប្រាស់ ប៉ុន្តែវាក៏មានភាពងាយស្រួលចំពោះពពួកមេរោគនិងពួកអ្នកលួច(hackers)ឯកសារ សម្រាប់ធ្វើការលុកលុយផងដែរ។ដោយអាស្រ័យហេតុនេះអ្នកគួរតែធ្វើ ការពិនិត្យវាយតម្លៃចំពោះសុវត្ថិភាពកុំព្យូទ័រយ៉ាងតិចពីរដងក្នុង មួយឆ្នាំ។
8. បិទInternet នៅពេលអ្នកមិនប្រើប្រាស់វា(Disconnect Internet Connection when not in use:)
នៅក្នុងការទប់ស្កាត់ពីការលួចចំលងឯកសារឬក៏ប្រើប្រាស់កុំព្យូទ័រតាមរយៈInternetអ្នកគួរតែផ្ដាច់internet នៅពេលអ្នកមិនបានប្រើប្រាស់។ប្រសិនបើអ្នកមិនមានការប្រើប្រាស់នូវកម្មវិធីកម្ចាត់មេរោគឬFirewalls softwareដែលមានការUpdate ទាន់ពេលវេលានោះទេ វាអាចធ្វើឱ្យពួកដែលមានបំណងលុកលុយតាមរយៈinternetមានឱកាសចូលមកបង្កបញ្ហាដល់លោកអ្នកបាន។
9. Backupទិន្នន័យរបស់អ្នកឱ្យបានជាប្រចាំ(Take the Backup of your Data Files Regularly on Disks or CD’s:)
នៅក្នុងចំណុចនេះយើងសូមណែនាំលោកអ្នកមកធ្វើការចំលង(Backup)ទិន្នន័យរបស់អ្នកឱ្យបានទៀងទាត់ ដែលជាការជៀសវាងការបាត់បង់ទិន្នន័យទៅថ្ងៃក្រោយ។ចំពោះFile ដែលអ្នកធ្វើការBackupអ្នកត្រូវរក្សាទុកឱ្យនៅកន្លែងដែលមានសុវត្ថិភាពផងដែរដូចជាទុកនៅក្នុងCDឬក៏ក្នុងថាសរឹងណាមួយដែលអ្នកគិតថាវាមានសុវត្ថិភាព។
10. បង្រៀនអ្នកនៅជុំវិញខ្លួនពីវិធីការពារសុវត្ថិភាពរបស់កុំព្យូទ័រ(Teach Your People to Know How to Fight Computer Attacks:)
នេះជាចំណុចចុង ក្រោយដែលអ្នកគួរដឹងថាអ្នកគួរតែបង្រៀននូវចំណុចសំខាន់ខាងលើ ទាំងអស់នេះទៅដល់ក្រុមគ្រួសារនិងមិត្តរួមការងាររបស់អ្នកផងដែរ ។ព្រោះការប្រើកុំព្យូទ័ររបស់អ្នកអាចមានទំនាក់ទំនងជាមួយនិង កុំព្យូទ័ររបស់ពួកគេ។ដូច្នោះការការពារពីពពួកមេរោគវាជារឿង សំខាន់ដែលអ្នកគួរតែបង្រៀនពួកគេឱ្យបានដឹងហើយវាក៏អាចការពារ កុំព្យូទ័ររបស់អ្នកបានមួយកម្រិតផងដែរ។
0 comments:
Post a Comment