នៅក្នុងអត្ថបទមុន យើងបានដឹងរួចមកហើយពីរបៀបនៃការបន្ថែម Brushes ថ្មី។ តើមិត្តទាំងអស់គ្នា ឆ្ងល់ទេថា តើ Brushes ដែលថ្មីៗដែលយើងទាញយកពីអ៊ិនធ័រណិតទាំងអស់នោះ គេបានមកពីណា? ចំលើយ គឺ Brushesទាំងអស់នោះ គឺត្រូវបានគេបង្កើតថ្មីដោយខ្លួនឯង ព្រោះនៅក្នុងកម្មវិធី Adobe Photoshop បានផ្តល់លទ្ធភាពឲ្យយើងអាចបង្កើត Brushes ថ្មីបាន។ ហើយយើងក៏អាចបង្កើត Brushes ដោយខ្លួនឯងបានដែរ វាមិនមានមិនពិបាកនោះទេ ខាងក្រោមនេះ អាយធីកូនខ្មែរ នឹងបង្ហាញពីរបៀបបង្កើត។
១. បង្កើត File ថ្មីមួយ ដោយចូល File → New ( Ctrl + N )
២. បន្ទាប់មកយករចនា Brushes ដែលយើងចង់បង្កើត, ពេលនេះ ពួកយើងនឹងយក Logo អាយធីកូនខ្មែរ មកធ្វើជា Brush ដើម្បីជាគំរូ។
៣. បន្ទាប់មក ចុចលើ Edit → Define Brush Preset...
៤. ដាក់ឈ្មោះឲ្យ Brush របស់យើងរួចចុចលើប៊ូតុង OK
៥. នៅពេលនេះការបង្កើត Brush របស់យើងបានរួចរាល់ហើយ ដូចនេះ យើងអាចបង្កើត File ថ្មី ដើម្បីធ្វើការសាកល្បង Brush របស់យើង។ ហើយដើម្បីចូលទៅមើល Brush របស់យើង យើងចូល ទៅ Brush Tool រួចចុចបង្ហាញ Brush ពេលនេះយើងនឹងឃើញ Brush របស់យើង និង អាចប្រើបានហើយ។
៦. តែឥឡូវនេះ Brush របស់យើងគឺស្ថិតនៅក្នុង File របស់ Brush មានស្រាប់ ដូចនេះ ដើម្បីយកវា មកដាក់លើ File Brush ផ្ទាល់ខ្លួន ដើម្បីយកទៅប្រើនៅកុំព្យូទ័រផ្សេងទៀត យើងចូលទៅ Preset Manager..
បន្ទាប់មកចុចលើ Brush របស់យើងរួចចុចលើប៊ូតុង Save Set
បន្ទាប់មកដាក់ឈ្មោះ File Brush រួចចុចលើប៊ូតុង Save បន្ទាប់មកចុចលើប៊ូតុង Doneជាការស្រេច។
ពេលដែលយើងបើកកម្មវិធីនេះ លើកក្រោយ យើងនឹងឃើញ File Brush របស់យើង។
Tuesday, February 21, 2012
របៀបបង្កើត Brush ថ្មីដោយខ្លួនឯងនៅក្នុង Adobe Photoshop CS5
0 comments:
Post a Comment