វិធី​បង្រួម និងពន្លា File តាមអនឡាញ

ជាធម្មតា​អ្នកប្រើប្រាស់​កុំព្យូទ័រ​ភាគច្រើនប្រើប្រាស់កម្មវិធីដើម្បី​ បង្រួម ឬពន្លា File (compress/decompress)។ ប៉ុន្តែ​ពេលខ្លះ​​លោកអ្នក​អាចជួប​បញ្ហា​ទាក់ទង​នឹង​ការតំឡើង​កម្មវិធី​ ទាំងនោះ​មិនបាន ដូចជា​ការបិទសិទ្ធិ​ក្នុងការតំ​ឡើង​កម្មវិធីជាដើម។ ដូចនេះ​ការ​ប្រើប្រាស់​ការ​បង្រួម ឬពន្លា File តាមអនឡាញ គឺជាជម្រើស​ចុង​ក្រោយ​របស់អ្នក​ពេលដែល​ជួបបញ្ហាខាងលើ។ យ៉ាងណាមិញ​ការបង្រួម ឬពន្លា file តាមអនឡាញ​ទាមទារ​ឲ្យ​ល្បឿន​អ៊ីនធើណេត​លឿនជាងធម្មតា ព្រោះវាត្រូវ​ការអាប់ឡូត និងទាញយក (Download) File ជាច្រើន (ប្រសិនបើ File របស់អ្នក​មានទំហំធំ)។ សំបុកអាយធី​សូមលើក​យក​វ៉ិបសាយ​ល្បីៗមួយចំនួន មកបង្ហាញជូនដូចខាងក្រោម៖
ក. www.zipme.jbi.in
ZipMe គឺជាសេវាកម្មឥតគិតថ្លៃមួយ​ដែលអនុញ្ញាតឲ្យ​លោកអ្នក​បង្រួម ឬបញ្ចូលរហូតដល់ 10 files នៅពេលតែមួយ។ បន្ទាប់មក​វានឹង​ធ្វើការ​ផ្ញើរ​សារអេឡិចត្រូនិចទៅកាន់លោកអ្នក (ទៅកាន់សារអេឡិចត្រូនិច​ដែលអ្នក​បាន​បំពេញ) នៅពេលដែល​អ្នក​បានធីក​លើ Send Zip to email ឬ ដាក់តំណភ្ជាប់​ឲ្យ​អ្នក​ទាញយក​ដោយផ្ទាល់មកកុំព្យូទ័រ​ ដោយ​មិន​ទាមទារ​ការចុះ​ឈ្មោះ ឬឡុកអ៊ីន​អី​នោះទេ។

ខ. www.zipmyfiles.net
ZipMyFiles.Net គឺជាដែលគេហទំព័រ​ដែល​ងាយស្រួល​ប្រើជាទីបំផុតសម្រាប់​ការបង្រួម ឬបញ្ចូល File តាមរយៈអនឡាញ។ វាមាន​ជា Widget (ផ្ទាំងតូច) ដែលអនុញ្ញាត​ឲ្យអ្នក​បង្រួម File ជាច្រើនប្រភេទ​ចូលគ្នា​ក្នុងពេល​តែមួយ។ លោកអ្នក​គ្រាន់តែ​ចុចលើប៊ូតុង Choose File ដើម្បី browse ទៅរកទីតាំង​ដែលអ្នក​ចង់អាំប់ឡូត។ ពេលដែល File ត្រូវបានជ្រើសរើស​ គ្រាន់តែចុច… នោះអ្នក​នឹងអាចទាញយក Zip File ទាំងនោះ​តែម្តង។ លោកអ្នកអាចបង្រួមបានច្រើន​រហូតច្រើនជាង ១០០  (100+) files ក្នុងមួយ zip file។

គ. www.zip-online.net
លោកអ្នកអាច​បន្ថែម File ចាប់ពី ១ ដល់៥ File ទៅលើអនឡាញ ហើយអាចទាញយក ឬផ្ញើរ zip file ទៅកាន់​សារអេឡិចត្រូនិចបាន ដែលមាន​ទំហំ​ធំបំផុត គឺ 650kb ក្នុងមួយ File.


4. wobzip.org
WobZip នឹងជួយអ្នក​ក្នុងការ​អាប់ឡូត file ដែលបាន​បង្រួមទំហំក្រោម 100Mb។ អ្នក​ក៏អាចប្រើឧបករណ៍ (tool) ដើម្បី​ពន្លា (un-compress) zipped files នោះផងដែរ ដែលវាអាចជួយការពារ​ដោយ​លេខសម្ងាត់។  នៅផ្នែកខាងក្នុង ពួកគេប្រើប្រាស់ឧបករណ៍​ដ៏ពេញនិយមមួយ​គឺ 7-zip ដើម្បី​ដំណើរការ​ពន្លា។